Kylie Jenner po mendon të bëjë një kthesë në karrierën e saj. Në një intervistë të fundit ajo është shprehur se do të bëhet një këngëtare pop, katër vjet pasi kënga e saj ikonë ‘Rise and Shine’ u bë virale teksa ajo la të kuptohet për një sipërmarrje të re në karrierë këtë javë, shkruajnë mediat e huaja.
Ylli i reality-show 27 vjeçe vetëm disa muaj pasi nxori në treg linjën e saj të veshjeve ‘Khy’, duket se ka plane të tjera në punë. Kur u pyet nga ‘British Vogue’ nëse ajo shpresonte ndonjëherë të bëhej një yll i muzikës pop si fëmijë, ajo u përgjigj:
‘Mendoj se po, po. Gjithmonë e kam ditur se nuk kam pasur kurrë një zë fantastik apo diçka tjetër… Unë duhet të jem këngëtare. Jo, seriozisht. Ndoshta kur të mbaroj së bërë rroba, do të futem në studion e regjistrimit’.
