Besojeni ose jo por disa njerëz do të bënin gjithçka për dashurinë dhe shembulli më “i freskët” është i një të riu nga Prizreni i cili ka vendosur të udhëtojë me biçikletë deri në Indonezi për të takuar vajzën që i ka rrëmbyer zemrën.
Siç tregon ai, ky udhëtim që është planifikuar me shumë dashuri dhe emocione të bukura, do të zgjasë rreth 1 vit. I riu nga Prizreni nuk zgjodhi alternativat më të thjeshta për të shkuar në Indonezi, pasi kjo është mënyra më e veçantë për t’i dëshmuar të dashurës sesa shumë e do. Një histori që lindi nga rrjetet sociale por djali aventurier është i bindur se ajo është e duhura.
Ndonëse e dashura virtuale e ka pritur me shqetësim udhëtimin e tij me biçikletë, tashmë çdo gjë për të riun është planifikuar dhe është gati të niset. Edhe prindërit kanë qenë një mbështetje e tij për këtë vendim dhe aventurë të re. Epo urojmë që t’ja dalë.
@lajmi.netofficial #lajminet Kosovari niset për Indonezi me biçikletë për vajzën që e njoftoi online: Shpresoj ta takoj, do të udhëtoj mbi 11 muaj #kosova
