Justin Bieber u zemërua me fansat në një hotel në Los Angeles dhe pamjet janë bërë virale në rrjetet sociale.
Incidenti ndodhi kur këngëtari po kalonte nëpër hollin e hotelit dhe u rrethua nga disa fansa. Fillimisht, ai i kërkoi me mirësjellje që ta linin të qetë, por kur ata nuk e respektuan kërkesën e tij, Bieber filloi të bërtiste ndaj tyre.
“A është kjo qesharake për ju? Kjo ju duket qesharake?” u tha ai, ndërsa ata vazhdonin ta filmonin.
Më pas, stafi i hotelit ndërhyri dhe largoi fansat, të cilët ishin adoleshentë që kishin dalë nga një festë.
“Largohuni nga këtu”, u tha Bieber në fund.
@brennanshtorchJustin got so mad!♬ original sound – Brennan Shtorch
Justin got so mad!
♬ original sound – Brennan Shtorch
Dëshmitarët e kësaj situate të pakëndshme thanë se Justin fillimisht ishte i qetë, por ajo që e zemëroi ishte fakti që adoleshentët nuk e dëgjuan herën e parë.
Thuhet se këngëtari ishte i shqetësuar sepse priste që në hotel të vinte bashkëshortja e tij, Hailey Bieber, me të cilën po pret fëmijën e parë.
Kujtojmë se në muajin maj, Justin dhe Hailey Bieber njoftuan në Instagram se janë në pritje të një fëmije. Çifti publikoi disa fotografi të përbashkëta, të cilat mendohet se janë realizuar gjatë shkëmbimit të betimeve të tyre martesore, ku shfaqej edhe barku i saj i rrumbullakosur.
