Kjo pyetje i ka mbajtur të gjithë të tunduar në botën e showbiz-it për muaj: Cilës femre i këndon Beyonce kur i thotë të dashurit të saj t’i telefonoj “Becky-t me flokët e bukur”?
Beyonce shkaktoi një stuhi kur publikoi këngën “Sorry”, nga albumi “Lemonade” i cili i dedikohet grave të tradhtuara nga bashkëshortët dhe shumë herë është konfirmuar se frymëzohej nga përvoja e saj personale, pas tradhtisë së Jay Z.
Një prej vargjeve të këngës “Sorry” thotë: “Ai më do vetëm kur s’më ka/ Epo le të telefonojë Becky-n me flokët e bukur”. Pas kësaj, kjo femër u lidh me personazhet publike, që nga Rita Ora, Rihanna, deri tek Taylor Swift.
Por stilisti personal i flokëve të Beyonce-s i habiti sot të gjithë duke thënë se Becky është në të vërtetë Kris Jenner, nëna-menaxhere e motrave Kardashian-Jenner.
Anthony Pazos foli ekskluzivisht për “Daily Mail: “E bukura është se asnjë s’e beson, sepse Kris është shumë më e madhe se Jay Z. Por po ta mendosh, ka shumë gjëra që përputhen!”.
Por ai nxiton të sqarojë se lidhja mes Jay Z dhe Kris nuk ishte intime. Madje sipas Pazos-it, “Becky me flokët e bukur” nuk është e dashura jashtë martese e Jay Z-s, thjesht një grua me të cilën ai ka marrëdhënie biznesi.
Kris Jenner është ndër të paktat, me të cilat producenti i famshëm mund të krahasohet për pasuri dhe famë.
“Ndërsa punonim me Beyoncen për albumin, kështu flitej. Kush tjetër mund të ketë aq shumë para sa ata të dy? Unë kështu po ju them. Ju merreni si të doni. Kris ka flokë shumë të bukur dhe “Becky” duhet të jetë një grua e bardhë. që jeton në komunitetin afro-amerikan. Kur themi “Becky” përfytyrojmë një grua të bardhë”, shpjegon Pazos. E besoni?
Burimi: Daily Mail
