Pas Lojërave të Tokios, në të cilat kishte kufizime në kontaktet sociale për të ndaluar pandeminë, rikthehet politika e rreptë shëndetësore e Lojërave Olimpike.
Për këtë arsye, ‘Paris 2024’ do të shpërndajë 300.000 prezervativë për atletët, dyfishi i asaj të Londrës 2012, por larg rekordit të Rio 2016. Në qytetin brazilian, IOC shpërndau afro 450.000 prezervativë, 100.000 prej tyre femra dhe 170 shishe lubricante.
Organizatorët zbatojnë një politikë të përgjegjshme shëndetësore dhe për këtë qëllim ata vënë në dispozicion të sportistëve, shoqëruesve të delegacionit dhe trajnerëve, mijëra prezervativë për t’u përdorur gjatë aktivitetit.
Drejtori i Fshatit Olimpik, Laurent Michaud, zbuloi në një intervistë për Sky News se Lojërat e ‘Parisit 2024’ do të kenë në dispozicion 300.000 prezervativë për më shumë se 14.000 atletë dhe trajnerë që do të qëndrojnë në fshatin Olimpik në periferi të kryeqytetit parizien. “Është shumë e rëndësishme pasi bashkëjetesa këtu është diçka e madhe”, tha Michaud për kanalin britanik.
Që nga Lojërat Olimpike të Seulit të vitit 1988, organizatorët kanë shpërndarë prezervativë për të rritur ndërgjegjësimin dhe mbrojtjen kundër virusit AIDS dhe për të mbrojtur shëndetin e njerëzve si një e drejtë themelore.
“Në bashkëpunim me komisionin e atletëve ne donim të krijonim disa vende ku atletët do të ndiheshin shumë të emocionuar dhe rehat”, tha Michaud.
Edhe pse nuk ka më kufizime për kontaktin fizik në Lojërat, alkooli nuk do të lejohet në Fshatin Olimpik.
