Një prej të ftuarave më të veçanta në dasmën e shumëpërfolur në Indi, ishte dhe ajo; Kim Kardashian, e cila u shfaq me disa paraqitje të ndryshme që la me “gojë hapur” një publik mjaft të gjerë.
Mirëpo disa përdorues të rrjeteve sociale e kritikuan Kim Kardashian për paraqitjen në të kuqe, jo një herë, por dy herë, gjatë dasmës treditore të trashëgimtarit indian, Anant Ambani me Radhika Merchant në Mumbai.
Fansat thonë se ngjyra e kuqe zakonisht është rezervuar për nuset indiane.
“Nuk supozohet të veshni të kuqe në një martesë në Indi. Kjo është ruajtur për nusen”, ishte një prej komenteve që një përdorues i rrjeteve sociale ka bërë.
