Një 6-vjeçar me origjinë shqiptare ka kaluar eksperiencën më të bukur të jetës së tij. Alex ka takuar Presidentin e Shteteve të Bashkuara të Amerikës, Barack Obama.
Vogëlushi u bë i njohur pak muaj më parë pasi i dërgoi një letër Obamas. I tronditur nga pamjet e Omran, djalit nga Siria që qëndronte i gjakosur në ambulancë, Alex kërkonte që ai të vinte e të jetonte në familjen e tij.
Në prag të largimit nga posti i Presidentit, Obama e ka takuar Alex-in.
“Dukesh shumë bukur me kostum”, i ka thënë ai, ndërsa Alex e ka falënderuar.
-Është i ri?
-Po
-Ma mori mendja-ka thënë Obama.
Alex i pranishëm në Shtëpinë e Bardhë me prindërit dhe motrën e tij Catherine, të cilën e përmend dhe në letrën dërguar Obama-s, ka qëndruar përballë Presidentit i cili i ka thënë që është shumë i mirë.
“Ishe shumë i mirë dhe i këndshëm, shpresoj që dhe të tjerët ta mendojnë si ty. Isha shumë krenar për ty”, ka thënë Obama.
