Aktorja Nicole Kidman, e cila është një ambasadore e vullnetit të mirë për UN Women, u bëri thirrje të ftuarve në eventin që u mbajt dje në New York, për të ndihmuar financiarisht për gratë dhe vajzat që kanë nevojë për të holla.
Në fjalimin që mbajti, Nicole Kidman tha se pasi pa gra dhe fëmijë të cilët ishin viktima të dhunës në Kosovë 10 vjet më parë, ajo vendosi të bënte një nga gjërat më të rëndësishme në jetën e saj, të punonte për t’i ndihmuar ata.
Fituesja e Academy Award,mbajti fjalimin natën e së mërkurës në një darkë për mbledhjen e fondeve që shënon 20 vjetorin e Fondit të Mirëbesimit të OKB-së për t’i dhënë fund dhunës kundër grave.
Sipas Kombeve të Bashkuara, sot një në tre gra në të gjithë botën kanë përjetuar dhunë fizike ose seksuale.
Organizata Gratë e Kombeve të Bashkuara tha se në këtë darkë janë mbledhur më se 105 mijë dollarë, përfshirë donacionin prej 50 mijë dollarëve nga aktorja, Nicole Kidman.
Nicole e vizitoi Kosovën në vitin 2006, dhe u takua me disa gra kosovare dhe personalitete të ndryshme. Më sipër mund të shihni fotot e bëra gjatë vizitës.
Burimi: Hollywoodreporter
