Agjentët, të cilët po hetojnë rastin e vdekjes së Matthew Perry, zbuluan disa detaje mbi vdekjen e aktorit të Friends.
Agjentët janë shprehur se janë ‘të sigurt’ se do të jenë në gjendje të akuzojnë të dyshuarit e përfshirë në mbidozën e aktorit. U raportua se Administrata e Zbatimit të Drogës (DEA) po planifikon të akuzojë të dyshuarit për krime të shkallës së parë në rastin e vdekjes së aktorit.
Për akuzën e shkallës së parë, të dyshuarit mund të përballen me një dënim minimal prej 20 vitesh burg. LAPD ka hetuar rastin e aktorit të ndjerë pasi autopsia e tij u publikua vitin e kaluar. Agjentët thuhet se po hetojnë dhe po kërkojnë të akuzojnë më shumë persona sesa vetëm tregtarët e drogës.
Sipas TMZ, autoritetet thuhet se po hetojnë mjekët nëse ata kanë përshkruar dikë “jashtë fushës së nevojës mjekësore”.
Perry, i cili vdiq më 28 tetor 2023, po i nënshtrohej terapisë me infuzion me ketaminë në kohën e vdekjes së tij, kanë zbuluar raportet. Edhe pse Perry po i nënshtrohej trajtimit me ketaminë për ankth dhe depresion në kohën e vdekjes së tij.
Raporti i tij i autopsisë vuri në dukje ‘ketamina në sistemin e tij pas vdekjes nuk mund të ishte nga ajo terapi me infuzion.’ Aktori vdiq nga një mbidozë në vaskën e tij në shtëpinë e tij në Los Angeles.
