Stefano Guerra, ish-futbollist, i lindur në vitin 1962, vdiq pas një pickimi të bletës, një insekt ndaj të cilit ishte alergjik.
Ai ishte shtruar në spital prej disa ditësh në kushte të rënduara në spitalin Santa Maria Nuova.
Pas pickimit të insektit, 62-vjeçari ka kaluar në shok anafilaktik, i cili më pas i ka shkaktuar atak në zemër.
Mbrojtësi, i lindur në Verona dhe i rritur në Vicenza, kishte luajtur për skuadra të ndryshme italiane (përfshirë Prato), por mbeti në zemrat e tifozëve të Granata për pjesëmarrjen në sezonin legjendar 1988-89, në të cilin Reggiana fitoi kalimin në Serie A, me trajnerin Pippo Marchioro.
Shumë tifozë futbolli nga tre rajone, Veneto, Toscana dhe Emilia Romagna, shpresuan për një lajm të mirë, pasi mësuan për gjendjen e tij shëndetësore ditët e fundit.
Fatkeqësisht, lajmi i hidhur erdhi pasditen e së martës: nuk mund të bëhej asgjë, Guerra nuk ia doli.
