Nëse përdoruesit e “Instagram”-it u mësuan pa praninë e Justin Bieber, duket se tani duhet të mësohen edhe pa praninë e Kendall Jenner.
Ditën e diel, faqja e modeles 20-vjeçare në “Instagram” nuk është shfaqur, duke shqetësuar të gjithë fansat që janë përballur me mesazhin: “Na vjen keq, kjo faqe nuk është e disponueshme”.
Në javët e fundit, Jenner ka publikuar imazhe të ndryshme të jetës së saj private, si lindja e mbesës, Dream, daljme meshoqet modele Bella Hadid dhe Karlie Kloss; dhe mesazhet inkurajuar për të votuar.
Ditët e fundit Jenner u bë qendra e kritikave për shkak të setit fotografik të “Vogue”, ku u shfaq si një balerinë. Duket se shumë balerina profesioniste shpërthyen ndaj modeles, duke i thënë se duhet të qëndrojë në linjën e saj dhe jo të bëjë çfarë i del përpara.
Por modelja reagoi ndaj këtyre kritikave, duke thënë se deri në momentin e fundit, nuk e dinte se do të shfaqej si një balerinë. “Unë kurrë nuk jam shprehur se e di baletin dhe nuk e praktikoj, por thjesht isha duke bërë punën time”, shkruan ndër të tjera modelja.
Por ndoshta e gjithë kjo mund të jetë e përkohshme: Kendall tha muajin e kaluar se ajo shikon sjellje obsesive te të tjerët ndonjëherë, duke bërë që ajo të tërhiqet për pak kohë nga kënaqësitë e saj dixhitale.
“Kështu që ndonjëherë fshij “Instagram”-in, “Twitter”-in apo “Snapchat”-in nga telefoni im për disa ditë”, tha dikur modelja. Mund të zgjasë disa ditë apo më shumë? Vetëm Kendall e di!
Burimi: Daily Mail
