Ata janë një nga familjet më të famshme në botën e shfaqjes dhe biznesit.
Por bashkimi i tyre në skenë në Kinë ishte diçka shumë e rrallë për David dhe Victoria Beckham, të cilët përgjithësisht angazhohen në projekte individuale.
Çifti i famshëm tregoi fuqinë e tij në Global Shopping Festival Countdown Gala në Shenzhen, provincën e Guangdong, duke u shfaqur me shumë stil.
Pavarësisht martesës 17-vjeçare, çifti britanik janë parë rrallë në evente në ndërveprime spontane.
Në skenë, David shkëmbeu shikimet adhuruese me Victoria-n, veçanërisht kur ajo tregoi anën e saj të gjallë dhe provoi me mirësjellje një palë syze dielli.
Në të njëjtën mënyrë, Victoria, e cila ka katër fëmijë me David-in, duket se është ende krenare për bashkëshortin e saj tërheqës dhe ish-futbollistin, i cili dukej shkëlqyeshëm me kostumin blu. Madje në një moment fashionista “zihet mat” duke parë të pasmet e bashkëshortit të saj.
Më herët, Victoria dhe David ishin filmuar duke hyrë në skenë dorë përdore, ndërsa video tregon edhe sjelljen e tyre në prapaskenë.
Burimi: Daily Mail
