Angelina Jolie ka thyer heshtjen për herë të parë që kur njoftoi ndarjen e saj me bashkëshortin Brad Pitt, dhe filloi procedurat e divorcit.
Këtë javë, Pitt u lirua nga akuzat e abuzimit të fëmijëve, pas hetimit nga Departamenti i Fëmijëve dhe Shërbimeve Familjare në Los Angelos (DCFS), në lidhje me një incident që përfshiu djalin Maddox në një avion privat, më 14 shtator.
Duke reaguar ndaj lajmit, një zëdhënës në emër të Jolie lëshoi këtë deklaratë:
“Puna e DCFS u bë për t’u siguruar që fëmijët janë në një situatë të qetë dhe të sigurt. Siç kemi thënë më parë këtë javë, profesionistët e kujdesit për fëmijët inkurajuan një marrëveshje ligjore të pranuar dhe nënshkruar nga të dyja palët që ishte në interesin më të mirë të fëmijëve. Angelina ka thënë që në fillim se ajo ndjeu se ishte e nevojshme të merrte masa për shëndetin e familjes. DCFS është i kënaqur tani që masat mbrojtëse janë vendosur dhe do t’i lejojnë fëmijët të marrin veten”.
