Këngëtarja shqiptare me famë ndërkombëtare, Era Istrefi, ka zbuluar numrin e këngëve që do të përmbajë albumi, i cili do të jetë i pari në karrierë për këngëtaren.
Në një intervistë për That Grape Juice, Era ka rrëfyer se fansat e saj do të kenë mudnësi të dëgjojnë shtatë këngë të reja.
“Albumi ka shtatë këngë dhe është pjesa në të cilën po punoj më së shumti, po eksploroj dhe po provoj të shkruaj tekste këngësh sa më të sinqerta”, ka thënë ndër të tjerash Era.
Këngëtarja momentalisht gjendet në Londër, ku edhe është duke punuar për projektet të reja në kuadër të bashkëpunimit me kompaninë Ultra Music.
Tashmë është bërë gati 1 vit që kur Era publikoi hitin “Bonbon” dhe po shijon suksesin e saj me mbi 211 milionë klikime në YouTube.
