Ish-asistentja e Kanye West e ka paditur artistin për ngacmim seksual, sipas disa dokumenteve gjyqësore.
Në dosje, Lauren Pisciotta tregoi se ajo filloi të punonte me reperin në korrik të vitit 2021, ndërkohë që ai po përgatitej të lansonte linjën e tij të modës, Yeezy.
Kushti i vetëm ishte që ajo të ishte në dispozicion të këngëtarit të “Heartless” 24 orë në ditë, shtatë ditë në javë, gjë që ajo e pranoi. Në padinë e saj, Pisciotta theksoi se po fitonte gjithashtu një milion euro shtesë nga OnlyFans.
West dyshohet se e ngriti pagën e modeles në dy milionë euro në vit. Menjëherë pas kësaj, babai i katër fëmijëve dyshohet se filloi t’i dërgonte mesazhe vulgare. Krahas saj, ai filloi t’i dërgonte edhe video duke kryer marrëdhënie me gra të tjera.
Sipas padisë, Ye më vonë “mburrej” tek miqtë se Pisciotta ishte “një Superstar i OnlyFans”.
Rreth gushtit 2022, Kanye West thuhet se i kërkoi Pisciotta të fshinte llogarinë e saj OnlyFans e nëse ajo pranonte, ai tha se do t’i paguante 1,000,000 dollarë.
Pisciotta e ka paditur Ye për 4,000,000 dollarë, duke përmendur shkeljen e kontratës, ngacmimin seksual, dhe një mjedis pune armiqësor.
