Një plagosje me thikë ka ndodhur mbrëmjen e sotme në Korçë. Raportohet se babai i dehur plagosi me thikë djalin e tij. Ky i fundit ka marrë plagë te pjesa e dorës dhe ndodhet jashtë rrezikut për jetën.
Sipas mediave, i riu u qëllua pasi u fut mes konfliktit të prindërve, duke tentuar të mbrojë të ëmën.
Plagosja ka ndodhur në afërsi të një karburanti në lagjen e “Francezëve”. Policia ndodhet në vendngjarje dhe po heton shkaqet e ngjarjes.
Ende nuk dihen identitetet e personave të përfshirë në ngjarje.
