Një ilaç imunoterapie “ndryshues i lojës” rrit në mënyrë dramatike shanset për të kuruar kancerin e zorrëve dhe madje mund të zëvendësojë nevojën për kirurgji, thonë mjekët.
‘The Guardian‘ raporton se Pembrolizumab synon dhe bllokon një proteinë specifike në sipërfaqen e qelizave imune që më pas kërkojnë dhe shkatërrojnë qelizat e kancerit.
Dhënia e ilaçit para operacionit në vend të kimioterapisë çoi në një rritje të madhe të pacientëve që shpalleshin pa kancer, zbuloi një provë klinike. Rezultatet u prezantuan në takimin vjetor të Shoqatës Amerikane të Onkologjisë Klinike (ASCO), konferenca më e madhe e kancerit në botë.
Studimi u drejtua nga University College London, University College London, Christie NHS Foundation Trust në Mançester, Spitali Universitar St James në Leeds, Spitali Universitar Southampton dhe Universiteti i Glasgow.
Prof Mark Saunders, një konsulent onkolog klinik në Christie, tha se rezultatet e provës ishin “me të vërtetë shumë emocionuese”.
“Imunoterapia para operacionit mund të bëhet një ‘ndryshues i lojës’ për këta pacientë me këtë lloj kanceri. Jo vetëm që rezultati është më i mirë, por i shpëton pacientët nga kimioterapia më konvencionale, e cila shpesh ka më shumë efekte anësore. Në të ardhmen, imunoterapia mund të zëvendësojë edhe nevojën për kirurgji.”
Kanceri i zorrëve është shkaku i dytë kryesor i vdekjeve të lidhura me kancerin në mbarë botën. Ka më shumë se 1.9 milion raste të reja dhe më shumë se 900,000 vdekje në vit, sipas Organizatës Botërore të Shëndetësisë.
Rreth 15% e pacientëve me kancer të zorrëve të fazës së dytë ose të tretë kanë këtë përbërje të veçantë gjenetike.
