Sot, më 25 Maj është Dita Botërore e Futbollit.
Ky vendim u mor në mbledhjen e fundit të Asamblesë së Kombeve të Bashkuara. Sipas rezolutës, kjo ditë përkon edhe me 100 vjetorin e turneut të parë ndërkombëtar të futbollit në histori me përfaqësimin e të gjitha vendeve.
Tifozët e futbollit në mbarë botën tani kanë një ditë për të festuar sportin më të njohur në botë. Asambleja e Përgjithshme e Kombeve të Bashkuara ka miratuar një rezolutë që shpall 25 majin si Ditën Botërore të Futbollit.
Asambleja e Përgjithshme e OKB-së, e përbërë nga 193 anëtarë, miratoi rezolutën nën duartrokitjet e diplomatëve të pranishëm në dhomë. Për të shënuar miratimin e rezolutës, presidenti i FIFA-s, Gianni Infantino, bëri thirrje për të nisur Javën Botërore të Futbollit për të shënuar një numër momentesh të rëndësishme gjatë majit, duke filluar me njohjen e themelimit të FIFA-s në Paris më 21 maj 1904 dhe duke vazhduar festimet e futbollit deri më 25 maj.
Futbolli është loja më e luajtur dhe më e ndjekur në botë që luhet nga të gjitha moshat, në rrugë, fshatra, shkolla dhe oborre si për argëtim ashtu edhe për gara. Futbolli shërben si një gjuhë universale duke kapërcyer barrierat kombëtare, kulturore dhe social-ekonomike dhe pranon se futbolli krijon një hapësirë për bashkëpunim.
