Ndërsa nata e madhe e shfaqjes së “Victoria’s Secret” në Paris po afron, të gjitha modelet kanë nisur prej muajsh përgatitjet: Dietat dhe ushtrimet.
Modelja Bella Hadid, e cila pozon për herë të parë në këtë pasrelë, pranoi se trupi i saj ka ndryshuar që kur ka hyrë në industrinë e modës, madje më shumë se sa ka dashur vetë ajo.
Hadid është shprehur se aksidentalisht ka humbur shumë në peshë nga dieta strikte dhe ushtrimet e shumta. “Jam ushtruar aq shumë sa çdokush mund të thotë: ‘Oh, është bërë kockë e lëkurë bla, bla, bla”, ka treguar modelja për “People”.
“Në të vërtet unë nuk doja të humbisja kaq shumë në peshë. Dua të kem gjoksin dhe të pasmet e mia si dikur. Nuk është faji im. Pesha ime luhatet, ashtu sikurse ndodh me çdokënd. Mendoj se nëse njerëzit do më gjykojnë, është më e keqja që mund të ndodhë, sepse çdo njeri është i ndryshëm”, shprehet modelja.
Burimi: People
