Ekziston një vijë e hollë mes adhuruesit dhe përndjekësit. Adhuruesit kërkojnë kontakt nëpërmjet rrjeteve sociale, dërgojnë mesazhe, luftojnë për ndonjë autograf, derisa përndjekësit janë të gatshëm për gjithçka, për të ardhur deri te personalitetet që adhurojnë.
Për shkak të pamundësisë që të përballen me këta fansa “të çmendur”, të cilët edhe nëpërmjet kërcënimeve u shpallin dashurinë e tyre, të famshmit nganjëherë detyrohen të kërkojnë ndihmë nga organet përkatëse.
Mania pas aktores Jodie Foster, për pak sa nuk ka përfunduar tragjikisht, por jo për aktoren, por për ish-presidentin amerikan, Ronald Regan. Përndjekësi John Hinkley, ishte i bindur se aktorja ishte e dashuruar në presidentin dhe se ata së bashku do të udhëhiqnin SHBA-në. Ky ish-student ishte munduar t’i bëjë përshtypje aktores, duke e përndjekur Reganin dhe si dëshmi për dashurinë e tij, ai ishte munduar të bëjë atentat në ish-presidentin. Ai ishte arrestuar dhe ishte dërguar në spital psikiatrik.
Aktoren Blake Lively dhe nënën e saj, i ka përndjekur një person me emrin Sergej Mifle, i cili e kishte e-mailin e saj dhe numrin e telefonit të nënës së saj Elene, prandaj ai vazhdimisht e kishte thirrur atë, duke i thënë se aktorja është në telashe dhe ka nevojë për ndihmë. “Dashuria” e tij ndaj aktores ishte aq e madhe, sa ai ishte paraqitur edhe në sheshxhirimin e saj, duke thënë se po e mbronte. Më në fund e kishte ndaluar policia.
Një fans i Jennifer Lopezit kishte hyrë shtëpinë e saj dhe atje për 6 ditë kishte mbetur i pavërejtur, derisa ishte hasur nga njëri prej të punësuarve. Pas prangosjes nga policia, ai kishte insistuar se është ish-bashkëshorti i saj dhe se ajo e ka lejuar të qëndronte në shtëpi.
Personi i cili brenda dy javëve dy herë kishte hyrë në shtëpinë e Selena Gomez kishte çrregullime të mëdha psikike dhe pas arrestimit, ishte dërguar për 6 muaj në klinikë psikiatrike. Ai kishte kërcënuar disa herë bukuroshen.
Probleme me përndjekësit kanë pasur edhe Justin Bieber, Beyonce Knowles, Miley Cyrus e shumë të tjerë, shkruan “Zëri”.
