Në ditën që njihet si dita e luleve në Shkodër, qytetarë të Shkodrës janë bashkuar dhe kanë hedhur lule në ujërat e lumit Buna, aty ku u mbyt Alma Arazi së bashku me tre fëmijët e saj.
Dhe pse kjo duhet të ishte një ditë me lule, koncerte, këngë e recitime, ajo u kthye në një ditë zie pas ngjarjes së rëndë që tronditi jo vetëm Shkodrën por një Shqipëri të tëre.
Sakaq kërkimet për gjetjen e trupit të Almës dhe një prej fëmijëve të saj vazhdojnë ende, madje janë zgjeruar edhe në Mal të Zi.
