Mona Lisa, piktura më e famshme në botë, mund të vendoset në një dhomë të sajën në Luvër.
Një lëvizje e tillë do t’u jepte vizitorëve, shumë prej të cilëve vizitojnë Luvrin vetëm për pikturën e famshme, një përvojë më të mirë, tha Laurence des Cars, raporton ‘The Guardian’.
“Është gjithmonë zhgënjyese kur nuk u bën vizitorëve mirëseardhjen më të mirë të mundshme dhe ky është rasti me Mona Lizën”, tha ai, duke nënvizuar se: “Një zgjidhje më e mirë më duket e nevojshme”, duke shtuar se Luvri është në kontakt me Ministrinë e Kulturës për zgjidhjet e mundshme.
Muzeu i Luvrit, muzeu më popullor në botë, mirëpriti pothuajse 9 milionë vizitorë në vitin 2023.
Mona Lisa ndodhet në Salle des États (Salla e Shtetit) të Luvrit, dhoma më e madhe e muzeut, brenda një kuti xhami mbrojtëse, por kryevepra e Leonardo da Vincit nuk është vetëm atje.
Është krahas veprave të mjeshtërve venecianë të shekullit të 16-të, ndërsa përtej sallës është piktura më e madhe e Luvrit, Dasma në Cana nga Paolo Veronese.
Mona Lisa ishte në “shënjestër” të dy protestuesve mjedisorë në janar, të cilët i hodhën supë. Piktura, nuk u dëmtua.
