Netflix po përgatitet të vërë në dispozicion të abonentëve të tij, një seri të re të bazuar në romanin kryevepër të Gabriel García Márquez, “Njëqind vjet vetmi”. Rrjeti publikoi trailerin një ditë më parë, duke ofruar një vështrim të parë në serialin e ardhshëm. Data e premierës do të shpallet së shpejti.
Personazhet qendrore të veprës ikonike të Márquez-it janë anëtarët e familjes Buendía, të cilët narratori i ndjek duke përshkruar histori të çuditshme dhe fantastike nga jeta e secilit. Historia, duke rrëfyer mendime dhe incidente logjike, është e pushtuar nga elementi i absurdit, por edhe nga elementët e një përralle.
Njëqind vjet vetmi është drejtuar nga Alex García López dhe Laura Mora. Kasti përfshin aktorët Claudio Cataño, Jerónimo Barón, Marco González, Susana Morales, Ella Becerra, Carlos Suaréz, Moreno Borja, Santiago Vásquez.
