Kur Kanye West i bëri “diss” Bruno Mars-it gjatë ceremonisë së “MTV Video Music Awards”, të gjithë prisnim reagimin e këtij të fundit. Mars performoi dhe u vlerësua me dy çmime, përfshi edhe “Best Male Video”.
Kanye u shpreh se teksa ka parë performancat e Drake dhe Bruno Mars, për të ishte e çuditshme që të gjithë çmimet iu dhanë këngëtarit të “Grenade”. Pavarësisht kësaj në një intervistë të dhënë së fundmi për revistën “Rolling Stone”, Bruno është shprehur se, nuk e ka marrë aspak si ofendim deklaratën e West.
“Është Kanye, në fund të fundit, ne kemi nevojë për të. Por ajo që ai tha, nuk ishte një thumbim. Unë jam kritiku më i madh i vetes. Çfarëdo gjëje që dikush më thotë, ata nuk dinë asgjë. Por unë dhe ai jemi “cool”. Ai më telefonoi dhe më kërkoi falje. Kanye më do. Ti e di. Kush nuk më do? Unë jam Bruno Mars!”, tha këngëtari për revistën.
Burimi: Rolling Stone
