Një ndër çiftet më të njohura të showbiz-it shqiptar, Nora Istrefi dhe Robert Berisha, kanë folur për herë të parë pas lajmeve për ndarjen që u komentuan së tepërmi në mediat rozë.
Ata kanë dhënë një intervistë ekskluzive për Report Tv, gjatë qëndrimit në Tiranë, ku kanë ardhur për të kënduar në një nga klubet e kryeqytetit.
Pas zërave që shoqëruan gjithë verën për një ndarje mes tyre, Roberti tregon se kjo nuk është e vërtetë dhe se ata po kalojnë një periudhë mjaft të mirë së bashku.
‘’Kjo nuk është e vërtetë. Ne kurrë më mirë nuk kemi qenë me njëri-tjetrin’’, është shprehur Roberti.
Nora dhe Roberti, kanë folur gjithashtu edhe për vajzën e tyre Renne-n, e cila mesa duket ka ndryshuar jetën e çiftit.
‘’Renne ka sjellë shumë gëzim në jetën tonë. Çdo gjë ka ndryshuar në jetën tonë që kur lindi Renne’’, është shprehur Nora.
Çifti simpatik kanë treguar gjithashtu edhe planet që kanë së bashku, ku së shpejti do të vijnë në një bashkëpunim në muzikë.
