Dekolteja ka një histori të gjatë dhe të diskutueshme, duke pushtuar kopertinat e revistave dhe tërhequr vëmendjen e shumë meshkujve.
Por “Vogue” tashmë e ka bërë zyrtare se koha e dekolteve ka mbaruar. “Bibla e modës” ka shkruar një artikull këtë muaj që pretendon se fashionistat dhe blogeret e modës zgjedhin të tregojnë shpatullat, barkun e sheshtë ose këmbët në vend të gjoksit.
“Dekolteja, së bashku me fuqinë e saj seksuale, për të gënjyer, për të ndjellë epsh apo edhe vetëm për t’u treguar, do të marrë një pushim të merituar. Gjoksi nuk do të ekspozohet më për djemtë, ose për ndonjë tjetër, për asnjë lloj arsye”.
Tendenca duket se është mbështetur nga shitjet e fundit të reçipetave, me forma të buta natyrale, që ndryshojnë nga ato me mbushje nga poshtë, aq të dashura në vitet 1990.
Shitjet e sutjenave tradicionale me mbushje kanë rënë me 19 për qind, ndërsa në modë janë kthyer reçipetat sportive për “komoditetin dhe lehtësinë e lëvizjes” që ofrojnë.
