Ata u ndan bashkë në 2013-n pas gjashtë vitesh së bashku. Dhe Miranda Kerr zbuloi për herë të parë se “ajo ra në depresion” pas ndarjes me aktorin Orlando Bloom.
Modelja 33-vjeçare kaloi kohë të vështira kur marrëdhënia e saj me aktorin e “Piratët e Karaibeve” mori fund dhe ajo shprehet se para se ta kalonte vetë, kurrë nuk e kishte kuptuar se si ndikonte depresioni tek një person.
Në një intervistë të dhënë për revistën “Elle”, modelja është shprehur: “Kur unë edhe Orlando u ndamë, unë hyra në një depresion të tmerrshëm. Kurrë nuk e kisha kuptuar atë ndjenjë apo realitetin e kësaj sëmundjeje, sepse isha një person shumë i lumtur. Çdo mendim që ke, ndikon në realitetin tënd dhe e vetmja gjë që mund të bësh është të kontrollosh mendjen”.
Në fotot e publikuara, supermodelja duket e mrekullueshme me bukurinë e saj natyrale dhe me thjeshtësinë e saj. Në një prej fotove madje ajo mban veshur një golf gri të Joe Fresh, që kushton vetëm 28 paundë.
Tashmë Miranda është shumë e lumtur me të fejuarin, themeluesin e “Snapchat”, Evan Spiegel, ndërsa Orlando është në një lidhje me Katy Perry-n. Ish-bashkëshortët kanë një djalë 5 vjeç, Flynn.
*Shfleto galerinë
Burimi: Daily Mail
