Më shumë se 145 të tjerë raportohen se kanë mbetur të plagosur pasi disa persona të armatosur qëlluan në një koncert rock-u në Crocus City Hall, në periferi të Moskës.
Grupi “Shteti Islamik” përmes një postimi në platformën Telegram, mori përgjegjësinë për sulmin e tmerrshëm.
Gjatë sulmit mësohet se janë hedhur dy bomba, pas së cilave ka shpërthyer zjarri i cili ka sjellë shembjen e çatisë së kompleksit.
Deri më tani 4 të dyshuar janë arrestuar dhe numri i viktimave pritet të rritet.
Ministri i Shëndetësisë, Mikhail Murashko tha se 145 persona janë në spital. 60 nga të plagosurit janë në gjendje të rëndë shëndetësore.
Presidenti Vladimir Putin ende nuk i është drejtuar me një komunikim popullit rus për sulmin e rëndë.
Ngjarja vjen disa ditë pasi Presidenti Vladimir Putin çimentoi kontrollin e tij në vend, duke orkestruar një fitore të thellë në zgjedhjet presidenciale në Rusi.
