Një deklaratë e bërë nga aktorja Egla Ceno brenda shtëpisë se ka qenë viktimë e ngacmimit seksual në ambiente pune ka qenë në qendër të vëmendjes të çdo mediaje përgjatë gjithë këtyre ditëve.
Ajo akuzoi Saimir Kodrën lidhur me këtë dhe mbrëmjen e sotme ajo mori një mesazh prej Kodrës ku ky i fundit u shpreh se Gjykata do të merret me këtë çështje.
‘Unë e ftoj Saimirin të qetësohet me prononcimet që bën pa kaluar në skenarë, regjizor, aktor etj etj etj. Unë nuk flas në skenarin e dikujt që të them një gjë kaq të vërtetë që e kam kaluar në lëkurën time dhe marr përgjegjësi për gjërat që them dhe që nxjerr nga goja. Mirëse të vijë Gjykata, çfarëdo Saimiri të kërkojë. Unë sigurisht nuk do të kem prova materiale sepse një event i ndodhur para 24-25 vitesh i paregjistruar, kërkesë pune në një studio radioje, sigurisht që nuk ka prova sepse nuk kam patur për qëllim të vë në kurth apo të regjistroj zotin Saimir, por mund të bëj një gjë tjetër të cilën do ta mendoj fort dhe mirë para se ta prnoncoj ose ta them.’
