Dy shqiptarë kanë mbetur të vrarë dhe dy të tjerë janë plagosur rëndë pas një përplasje me armë zjarri mbrëmjen e djeshme me një grup maroken në sheshin Aldo Moro. 27 vjeç ishte shqiptari, Ervin Kasmi, që gjeti vdekjen i pari dje në Frosinone pas sherrit.
Tre shqiptarët e tjerë të plagosur janë transportuar në gjendje të rëndë në spitalin e Spazianit. Sipas raportimeve, në spital gjeti vdekjen gjatë operacionit edhe shqiptari i dytë i përfshirë në sherr, ndërsa dy të tjerët kanë mbetur të plagosur. Identitetet e tyre nuk janë bërë ende me dije.
Sipas “La Republicca”, viktimat dhe të plagosurit shqiptarë ishin ulur në një tavolinë në lokal kur rreth orës 19:30 kanë ardhur me një makinë tip “Lancia” grupi i marokenëve, të cilët janë përplasur me shqiptarët.
Edhe pse fillimisht u mendua se autorët e krimit ishin marokenë, një 23-vjeçar shqiptar është arrestuar si i përfshirë në ngjarje. Mikea Zaka, quhet shqiptari i cili akuzohet se ka shtënë kundrejt tyre.
Ai ka deklaruar për policinë se ka qëlluar për vetëmbrojtje. Hetimet për ngjarjen vijojnë, teksa policia nuk përjashton edhe mundësinë e një hakmarrjeje për çështjet e lidhura me drogën.
