Temperaturat janë ulur, megjithatë koha e mirë me diell shpesh na bën që të zgjedhim këpucë më praktike, të sheshta dhe jo të me takë për këtë sezon. Blogeret e modës kanë zgjidhjen perfekte për këtë kohë, sa i përket këpucëve.
Ato në fakt nuk janë as këpucë dhe as shapka por janë një lloj i ndërmjetëm që i mbajnë këmbët ngrohtë në temperatura të ftohta dhe janë të lehta për t’u mbajtur gjatë ditës.
Lori Hoxha është njëra nga blogeret shqiptare që kur vjen puna për aksesorët, ajo përqafon trendet më të fundit. Ajo i ka prezantuar këpucët e këtij sezoni pak javë më parë, por edhe sot ka zgjedhur po të njëjtat në foto e fundit street style.
Këto këpucë të sheshta me pellush janë shumë të rehatshme dhe për më tepër janë tendenca e fundit e këtij sezoni.
