Michael Douglas zbuloi se vuajtja nga kanceri në gjuhë i shkatërroi dashurinë për verën e kuqe. Ylli i “Wall Street” pranoi në 2010-n se ishte diagnostikuar me fazën e katër të kancerit, pasi një tumor me madhësinë e një arre u zbulua në fytin e tij.
Pas kryerjes së një kure rraskapitëse të trajtimit, ai tha një vit më vonë se ishte i bindur se e ka mundur kancerin. Por i pyetur nëse vuan efekte anësore afatgjata nga sëmundja, aktori 72-vjeçar pranoi se disa gjëra kishin ndryshuar.
Duke folur në emisionin “An Evening with Michael Douglas”, aktori u shpreh: “Vera e kuqe nuk më shijon më aq shumë (si dikur). Është një problem i vogël. Ushqimin djegës nuk e kam më aq problem sa dikur. U qëndroj larg disa gjërave. Nuk pij më as birrë”.
Douglas iu nënshtrua kimioterapisë dhe radioterapisë pas diagnozës së tij, kur humbi më shumë se 12 kg brenda javës nga trajtimi.
Më herët ai tha se lloji i kancerit nga i cili ai vuante ishte shkaktuar nga virusi HPV, që është një sëmundje seksualisht e transmetueshme dhe mund të merret me anë të seksit oral.
Douglas është i martuar me aktoren britanike 47-vjeçare Catherine Zeta-Jones dhe çifti ka dy fëmijë. “Ka një periudhë kur ato flisnin se mund të mos funksiononte. Në situatën time, ata thanë se mund t’i nënshtrohesha një operacioni dhe nuk mund të kisha më një karrierë në film, pasi mund të më hiqnin një pjesë të grykës”.
Ai përmendi se kolegu i tij, aktori Val Kilmer, vuan nga e njëjta sëmundje si ai.
Burimi: Daily Mail
