Vrasja e Pëllumb Metës në Shënavlash të Durrësit nuk është zbardhur plotësisht, për sa kohë hetuesit deri më tani nuk kanë zbuluar një motiv që mund të ketë çuar fëmijët ose gruan e viktimës në krimin e rëndë.
Dëshmitë kontradiktore të familjarëve të dyshuar, vështirësojnë hetimet megjithatë ngjarja që tronditi gjithë vendin pak ditë më parë po shqyrtohet nga ekspertët.
Sipas burimeve te Syri Tv, mësohet se ditën e sotme oficeri i policisë gjyqësore ( OPGj ) ka administruar analizat e gjakut ndaj tre fëmijëve që tani janë në paraburgimin e Durrësit.
Ekspertët dhe grupi hetues dyshojnë që tre femijët mund të jenë përdorues të lëndëve narkotike për shkak të sjelljeve të tyre në burg gjatë gjithë këtyre ditëve.
Prokuroria pritet që të marrë sërish në pyetje tre fëmijët, për të ballafaquar deklaratat e tyre në lidhje me ditën kur ka ndodhur vrasja, dhe rolin që ka pasur secili. Blerina Meta aktualisht është e lirë, edhe pse nën hetim, për akuzën e moskallëzimit të krimit.
