Gazetarja e njohur e ekonomisë, Afërdita Selimi është ndarë nga jeta ditën e sotme. Lajmi i trishtë është bërë i ditur nga Lidhja e Gazetarëve Ekonomikë të Shqipërisë.
Afërdita vuante prej kohësh nga një sëmundje e rëndë.
“LAJM I TRISHTË! Me pikëllim po ju njoftoj për ndarjen nga jeta të koleges dhe shoqes sonë Afërdita Selimi. Afërdita, një prej gazetareve më të suksesshme të ekonomisë në vendin tonë, ndërroi jetë e qetë pranë familjes së saj, pas një sëmundjeje të gjatë, thuhet në postim.
Afërdita e nisi rrugën e gazetarisë në vitin 1977, pasi kreu studimet e larta në fakultetin e Shkencave Politike, Dega Gazetari. Fillimisht ajo kontribuoi në gazetë lokale “Shkëndia” në Lushnjë dhe më pas gjithë jetën si gazetare në RTSH.
