E ftuar sot në “Mos i bjer me Top”, Meri tregoi mes lotësh një histori mjaft prekëse që e ka përjetuar shumë keq gjatë kohës kur ishte studente. Ajo tregon se disa persona kanë tentuar ta rrëmbenin teksa ajo po shkonte në Elbsasan dhe e futën me forcë në një makinë tjetër.
“Kur Shqipëria ishte në vitet e tranzicionit, desh kam rënë viktimë rrëmbimi. Isha studente shoqërova një shoqen që do kalonte kufirin për në Gjirokastër. Ajo iku thashë a do vish dhe ti të kalosh kufirin, thashë do kthehem të vazhdoj studimet. Unë marr autobusin që shkonte deri në Fier. Duhet të shkoja në Elbasan në universitet. Aty po kërkoja një autobus, pash disa burra që rrotulloheshin, thashë këtu diçka nuk po shkon. Thashë po marr një taksi, hipa një taksi aty hipi dhe një burrë i moshuar, i thashë të lutëm më ço në Elbasan. Sa bën 3-4 kilometra, një ta ndaluar, hapën dyert dhe më tërhoqën me zor. Dy tre meshkuj më futën me forcë në një makinë tjetër. Më çojnë drejt një pylli, para meje ishin një makinë me ushtarakë që po futeshin në atë zonë. Ata e panë skenën por u dëgjua që kur këta njerëz ndaluan makinën. Më goditën me grusht në turinj, ata bërtitën lëshoje. Kam shpëtuar nga ushtarët dhe jam kthyer në Elbasan. Më lanë në një çezmë, lava hundët e gjakosura, sa herë më del gjak nga hundët më kujtohet kjo gjë”-tregoi Meri.
https://top-channel.tv/2024/02/18/me-rrahen-me-grushte-trondit-mes-lotesh-meri-shehu-nje-grup-burrash-me-kapen-me-cuan-ne-pyll-dhe-me-futen/
