Nëna e 27-vjeçares, e cila i dha fund jetës në Kamëz, pas shantazheve, pasi një foto intime e saj u publikua në rrjetet sociale, ka folur në lidhje me ngjarjen që ka shokuar opinionin publik. Në një rrëfim për emisionin “Me zemër të hapur”, nëna e 27-vjeçares të ndjerë kërkon drejtësi për vajzën e saj.
“Sibela kishte 1 muaj që kishte ardhur nga Kosova tek shtëpia në Kamëz. Vajza kishte probleme me bashkëshortin, si çdo çift dhe mund të ishin edhe në prag ndarjeje. I kam rritur fëmijët pa baba. Kam jetuar me qira, ky monstra më tha më duhet një pastruese. Më mori në celular dhe kam punuar tek shtëpia e tij, ai më tha se jam me gruan dhe me vajzën e vogël. Vajza më tha se duke qenë se isha sëmurë, do shkonte ajo në punë. Dje kam qenë në Policinë e Kamzës. Ai në TikTok ka thënë se mua nuk ka çfarë më bën shteti, se jam me kartelë. Unë nuk kam lekë, ai ka lekë, është me kartelë, do ta nxjerrë shteti. Jam betuar përpara arkivolit të vajzës. Hakun e fëmijës tim, nëse shteti nuk bën gjë, me këto duar do ta bëj copa-copa dhe kufoma e atij do dorëzohet në Policinë e Kamzës. Nëse shteti e nxjerr atë nga burgu se jep lekë, unë do ta vras”, tha nëna e të ndjerës.
