Një aksident tragjik ndodhi këtë të shtunë në Fushë Domje, Tiranë, ku një fëmijë 2-vjeç u përplas nga një makinë pranë banesës së tij.
Drejtuesi i mjetit, Y.M., 58 vjeç, i cili është komshi me viktimën, u largua nga vendngjarja, por u arrestua më pas nga policia.
Fillimisht, familjarët e dërguan të miturin në poliklinikën e Kamzës dhe më pas në Spitalin e Traumës, ku fatkeqësisht ndërroi jetë.
Policia ka sekuestruar mjetin tip “Benz” me të cilin ndodhi aksidenti dhe po vijon hetimet për zbardhjen e plotë të ngjarjes.
