Vetëm një vit nga prezantimi i saj me botën e muzikës dhe duket se Dua Lipa do të arrijë shumë shpejt të prek majat. Këngëtarja me origjinë shqiptare publikoi ditën e djeshme datat e koncerteve të saj si pjesë e turneut “Hotter Than Hell”.
Duket se të gjithë presin me padurim të dëgjojnë artisten e tyre të preferuar, pasi të gjitha biletat e koncerteve të këngëtares ishin shitur.
Në foton e publikuar në Instagram, Dua ka publikuar datat e koncerteve për muajin tetor dhe sipër fotos theksohet se të gjitha biletat janë të shitura. “Muaji më i bukur”, shkruan bashkangjitur postimit këngëtarja e talentuar.
