Ndeshja mes Partizanit dhe Skënderbeut që u luajt në “Elbasan Arena” degjeneroi në dhunë dhe momente tensioni në tribuna, pas të cilës forcat e rendit kanë ndërhyrë ndaj tifozerisë së skuadrës kryeqytetase.
Për disa minuta, situata u bë kaotike, aq sa policia nuk ngurroi të përdorte forcën ndaj tifozëve, si pasojë e të cilës shumë tifozë mbetën të plagosur. Ndërkaq, nga kaosi i shkaktuar dhe ndërhyrja e policisë, disa mbështetës të ekipit të Partizanit zbritën në fushë për të marrë mjekimin e parë.
Një prej tyre ishte vajzë e re, e cila u shoqërua me ambulancë drejt spitalit të qytetit të Elbasanit, pasi pësoi konvulsione dhe ra pa ndjenja. Ajo është tifoze e grupit “Guerrilas”, vetëm 18-vjeçe, dhe quhet Trevisa Tusha. Pasi u gjet pa ndjenja, tifozja u dërgua me ambulancë në spital. Nuk është ende e qartë nëse ajo u sulmua nga policia. Ndeshja u ndërpre për më shumë se 10 minuta, por në fund nisi sërish.
*Shfleto galerinë
