Suela Saliaj, me profesion bankiere, është e reja që u vra nga bashkëshorti i saj në Florida. Ngjarja e rënë ka ndodhur në zonën e quajtur Clearwater. Ajo u gjet e vdekur në banesë nga punonjësit e policisë, ndërkohë që 34-vjeçari Renato Muhaj rrëmbeu më pas vajzën e çiftit, e cila u shpëtua disa orë më vonë.
Suela jetonte prej vitesh në SHBA, ku kishin emigruar më pas dhe prindërit si dhe vëllai i saj. Për shkak të hetimeve, motivet e krimit të rëndë nuk dihen ende dhe policia nuk ka ndarë më shumë informacione.
Mediat amerikane raportojnë se, Renato Muhaj ka goditur dhe kërcënuar edhe prindërit e tij në banesë të cilët janë dërguar për mjekim në spital. Kur kanë hyrë në banesën e Muhajt, oficerët kanë gjetur të vdekur nënën e vajzës së tij Suela Saliajn. Por asnjë shenjë të 8-vjeçares, Alesia Muhaj e cila ishte rrëmbyer nga i ati.
Policia e gjeti 8-vjeçaren brenda pak orësh dhe e dërgoi tek familjarët e saj, ndërsa Muhaj u arrestua dhe u dërgua në paraburgim.
