Bhangarh Fort, e cila ndodhet në Indi, është një kala ku mund të shihni tabela, duke ju paralajmëruar që të mos qëndroni atje pas perëndimit të diellit. Historia e kalasë nis në shekullin e 17-të dhe me siguri nuk është një vend për ata me zemër të dobët.
Sipas legjendës, një magjistar u përpoq të joshte princeshën e Bangarit dhe ta bënte atë të dashurohej me të. Ai u përpoq të përdorte një ilaç dashurie për ta fituar princeshën, mirëpo ajo, kur kuptoi qëllimet e tij të errëta, rrëmbeu shishen e ilaçit dhe i hodhi një gur mbi të ku ky i fundit rrëshqiti drejt magjistarit dhe e shtypi fizikisht atë.
Magjistari, pak para se të jepte frymën e tij, mallkoi kështjellën dhe të gjithë fshatin, në shkatërrim total. Menjëherë pas kësaj, perandoria Mughal sulmoi dhe vrau të gjithë brenda fortesës dhe fshati u shkretua.
Sipas dëshmive të vendasve, shpirtrat si të princeshës ashtu edhe të të tjerëve mbeten ende të bllokuar në kështjellën e mallkuar. Për këtë arsye shërbimi arkeologjik i zonës ka ndaluar hyrjen pas perëndimit të diellit.
