Pas reagimit të këngëtares Samanta Karavella, mbi statusin e koleges së saj, Marsela Çibukaj, kjo e fundit ka sqaruar “kritikat” e saj.
Ndërsa Samanta ka fshirë postimin në “Instagram”, Marsela ka dhënë një sqarim të gjatë në profilin e saj në “Facebook” duke treguar se nuk e kishte me Karavellën, kur shprehej se “dekoltetë e plastikës duhet të mbrohen nga UNESCO”.
“Shpreha mendimin tim mbi çfarë dëgjoj dhe mbi të gjitha mbi çfarë shoh rreth muzikës në Shqipëri, pa ju drejtuar specifikisht apo personalisht asnjë kënge dhe asnjë këngëtari/këngëtareje duke i nisur gjithmonë nga çfarë unë konsideroj muzikë të mirë apo videoklip të mirë”, thuhet ndër të tjera në reagimin e Marselës.
Duke iu përgjigjur një komenti ku ishte përmendur Era Istrefi dhe BonBon, Marsela shkruan: “E imja nuk është një analizë e një kënge specifike,(prandaj nuk ta preku kush ‘BonBon’ pavarësisht se do më pëlqente shumë sikur dikush nga ju të më shpjegonte për çfarë flet kënga dhe pse tingëllon aq ndryshe kur interpretohet live?”.
