Fifi është një nga konkurrentët e kualifikuar në gjysmë finalen e ‘Dancing With The Stars’. E ftuar sot në ‘Fan Club’ me Kiara Titon, këngëtarja shprehet se edhe nëse nuk e fiton këtë edicion të spektaklit të kërcimit, kupa e saj është publiku që e ka mbështetur në gjithë rrugëtimin e saj plot sfida në këtë spektakël.
“Kupën time e kam, publikun. Gjithë këto vite karrierë nuk i kam bërë veç për një suvenier. I kam bërë për të dhuruar show, art, energji të mirë, dashni. Mendoj se ja kam arritur me artin tim dhe gjënë që kam bërë”, tha Fifi.
Duke i kujtuar një deklaratë që bëri gjatë një interviste në emisionin “Se Luan Topi” se ‘në Big Brother VIP 1 e ka dhënë veten shumëngjyrëshe dhe njerëzit e kanë parë bardh e zi”, artistja tha se në DWTS ‘kam dhënë Fifin shumëngjyrëshe’.
