Ashtu si takimi i parë i tyre që nxiti debate edhe ky takim i dytë shkaktoi reagime të ashpra në studion e “Përputhen”.
Bëhet fjalë për takimin e Albinës dhe Redit që mund ta quajmë si i pazakontë. Ai e ftoi Albinën në një drekë më shampanjat më të shtrenjta dhe një xhiro me helikopterin e urgjencës së spitalit.
Ky gjest i Redit shkaktoi reagime dhe ofendime mes djemve në studio. I pyetur nga djemtë se sa ishte vlera që ai shpenzoi për takimin, Redi u përgjigj: “Unë shpenzova 5000 euro për të gjithë takimin.”
Konkurrentët e tjerë kanë reaguar pasi sipas tyre, Albina nuk ishte e fokusuar tek Redi gjatë takimit.
Aureli: “Ti Albina e kishe mendjen tek telefoni për të bërë video dhe jo ta shijoje me Redin.”
Albinës nga ana tjetër duket që i ka pëlqyer ky gjest i Redit dhe shprehet: “E kam shijuar pafund takimin dhe është një ndër më të bukurit që kam qenë. Ai di të respektojë një vajzë dhe ta trajtojë si një princeshë. Jam ndjerë shumë e vlerësuar nga Redi.”
