Del në dritë, një postim (tashmë i fshirë) i bërë nga djali i Brad Pitt dhe Angelina Jolie, Pax, në “Ditën e Babait”, tre vjet më parë. 19-vjeçari, kishte shkruar diçka në llogarinë personale në Instagram për Brad Pitt, që dëshmonte se ata nuk kishin marrëdhënie të mira. Në një mënyrë ose tjetër ai konfirmoi atë që Angelina Jolie pretendoi për sjelljen agresive të yllit të Hollivudit ndaj saj, si dhe ndaj fëmijëve të tyre.
“Gëzuar ditën e babait këtij tr*pi të klasit botëror… Herë pas here, ju i vërtetoni vetes se jeni një person i tmerrshëm dhe i poshtër. Ju nuk keni asnjë vlerësim apo ndjeshmëri për 4 fëmijët tuaj më të vegjël që dridhen nga frika kur janë para jush. Nuk do ta kuptoni kurrë dëmin që i keni bërë familjes sime sepse nuk jeni në gjendje ta bëni. Ju ja keni bërë jetën ferr personave më të dashur që unë kam. Ju mund t’i tregoni vetes dhe botës gjithçka që dëshironi, por e vërteta do të dalë një ditë. Pra, gëzuar ditën e baballarëve, o njeri i tmerrshëm…”, shkroi ai.
