Ylli i hip-hop, Sean “Diddy” Combs, po përballet me akuza të rënda nga ish-partnerja e tij Cassie.
Këngëtarja pretendon se Diddy e ka përdhunuar gjatë kohës që ishin bashkë, e ka goditur fizikisht dhe për një periudhë kohore i ka kontrolluar çdo aspekt të jetës, duke e izoluar totalisht.
Sipas padisë, ajo u përball me “një cikël abuzimi, dhune dhe trafikimi seksual” derisa marrëdhënia e tyre përfundoi në vitin 2018.
Në padi thuhet se Diddy nisi ta ndiqte Cassie-n në moshën 19-vjeçare, kur ajo nënshkroi një kontratë me kompaninë e tij. Këngëtarja pretendon se në festën e 21-vjetorit, Diddy e kishte puthur me forcë, duke vazhduar kështu të ushtrojë fuqinë e tij mbi të.
Duke qenë se ishte themeluesi i “Bad Boy Records”, Cassie asohohe mendonte se s’mund t’i refuzonte kërkesat apo ofertat e tij për drogë, pa rrezikuar karrierën e saj.
Përveç dhunimit, detyrimit të mbajtes së armëve të tij në çantë, Diddy e detyronte Cassie-n të kryente marrëdhënie edhe me meshkujt të tjerë që ishin punonjës seksi, ndërkohë që ai i filmonte. Asaj iu dha drogë prara dhe gjatë akteve seksuale.
Këngëtarja nisi në lidhje të shkurtër me Kid Cudi-n në vitin 2012, por Diddy dyshohet se hodhi në erë makinën e tij. Kjo ngjarje u konfirmua edhe nga vetë Kid Cudi.
Sipas padisë, pas një darke ku mendohej të diskutonin çështjen, Diddy u fut me forcë në shtëpinë e Cassie-t dhe e përdhunoi. Ajo u largua nga shtëpia që i kishte blerë ai, i ktheu makinën dhe u nda përfundimisht.
Për të mirën e të gjitha grave që përballen me abuzimin dhe dhunën në marrëdhënie, Cassie tha se iu desh të mblidhte veten e të merrte guximin të fliste për herë të parë.
“Zonja Ventura kërkon drejtësi për dekadën e jetës së saj që z. Combs ia hoqi me kërcënime për dhunë, përdorim të tepruar të drogës, abuzim fizik dhe psikologjik dhe skllavëri seksuale,” thuhet në padi.
Këngëtarja kërkon dëmshpërblim për paratë e humbura, shqetësimet mendore dhe shqetësimet e rënda emocionale.
Mirëpo, Diddy i ka mohuar akuzat, duke u shprehur se ato ishin fyese dhe skandaloze, dhe erdhën pasi Cassie kërkoi 30 mln dollarë prej tij.
Nga ana tjetër, avokatja e Cassie-t tregoi se Diddy i ofroi asaj një shumë me tetë shifra për të mbyllur gojën, por këngëtarja nuk pranoi.
