Data e sotme, 16 nëntor, është një mundësi e shkëlqyer për ju që të kujtoni herën e fundit kur keni pasur një përballje me ndonjë individ, apo të jeni treguar tolerant në ndonjë situatë!
E pikërisht sot, kudo në botë shënohet ‘Dita Botërore e Tolerancës’, e cila zanafillën e saj e ka që nga viti 1995, e themeluar nga Asambleja e Përgjithshme e OKB-së, me qëllim që institucionet arsimore dhe publiku i gjerë, ta shohin tolerancën si një element kryesor të shoqërisë.
Sipas Deklaratës së OKB-së, tolerancë është pranimi i faktit se “qeniet njerëzore janë natyrshëm të ndryshëm për nga pamja, pozita, të folurit, sjelljet, vlerat dhe kanë të drejtë të jetojnë dhe të jenë ashtu siç janë”.
Për Komisionin për mbrojtje nga diskriminimi, kjo ditë paraqet mundësi që çdo qytetar të deklarohet për shoqëri tolerante pa dhunë, në të cilën respektohen të drejtat e njeriut.
