Mbrëmjen e djeshme e ftuar në “Top Story” gazetarja Dorjana Bezat ka zbardhur detaje tragjike nga vdekja dhe jeta në përgjithësi e futbollistit të ndjerë Raphael Dwamena-s.
Ndër të tjera ajo tha se vdekjen e futbollistit ganez në minutën e 24 të ndeshjes, e panë live i vëllai dhe e fejuara e tij të cilët ndodheshin në stadium.
“Momentin kur ka ndodhur ngjarja, Dwamena ka pasur në stadium bashkëshorten dhe vëllain e tij që kishin ardhur për të parë ndeshjen
Ishte i martuar me një shtetase të huaj e cila herë pas here e ndante jetën mes Shqipërisë dhe vendit të saj. Nuk jetonte këtu me të, por e vizitonte shpesh. Familjarët nuk kanë pasur asnjë lloj pretendimi për humbjen e jetës së tij dhe ishin të ndërgjegjshëm se ishte një vetëflijim i tij.
I është dhënë ndihma e nevojshme në kohë, por kjo nuk ka mjaftuar për t’i shpëtuar atij jetën.
Ajo çka mbetet e trishtë për rastin e Rafael Dwamena, është se i riu zgjodhi të jepte jetën në të vetmin profesion që kishte dashur ndonjëherë të bënte.
Megjithëse iu ndalua futbolli për shumë kohë, sepse gjyshja e tij i kishte zgjedhur profesion tjetër, atë të mjekut, Dëamena shpesh dilte fshehurazi saj për të luajtur futboll rrugicave të një fshati të vogël në Ganë derisa ia arriti ditës kur do të pikaste si talent në moshën 14-vjeçare.
Ai nuk i harroi kurrë këpucët e tij të para “Diadora” të verdha që ia bleu xhaxhai, i cili kishte luftuar fort me gjyshen e Rafael-it për ta lënë të shkojë në rrugën e dëshiruar si futbollist.
Ia nisi në akademinë lokale të Red Bull-it për të ecur me shpejtësi e për tu bërë pjesë e kampionateve më të rëndësishme si në Spanjë Britani, Zvicër etj.
Nuk do të ishte e lehtë edhe kur ai u shqua si një sulmues i spikatur pasi një problem me zemrën do të ndalte karrirën e tij të menduar si e shkëlqyer.
Shumica e klubeve evropiane nuk lejuan më të vazhdojë lojën dhe ai erdhi në Shqipëri tek Egnatia ku dha shpirt.
Ai e dinte se rruga nuk do të ishte e gjatë, e megjithatë vendosi të vrapojë deri në fund, i vetëdijshëm se mund të vinte fundi në çdo çast, si një vetëflijim.”
