Princi Harry dhe Meghan Markle thuhet se janë të revoltuar me episodin e fundit të “Family Guy”, që bënte humor me çiftin.
Sipas revistës “Closer”, burime pranë Dukës dhe Dukeshës së Sussex-it pohojnë se ata e kanë etiketuar episodin “të ashpër”.
Dyshja, të cilët u larguan nga jeta mbretërore në vitin 2020, janë ndjerë sikur “nuk po merren mjaft seriozisht nga njerëzit”, shton burimi.
“Meghan tha se nuk do të poshtërohet kështu dhe është e dëshpëruar për një zgjidhje. Ata janë në gjendje të plotë paniku”, tha një burim për gazetën, duke shtuar se çifti e ka quajtur atë një “sulm nga brenda Hollywood-it”.
“Ajo që i ka goditur më fort është se ata konsiderohen mashtrues apo budallenj të llastuar,” shtoi burimi i brendshëm.
Diku tjetër, burimi tha se aktorja e “Suits” beson se e vetmja mënyrë që ata të jenë të qetë është që Harry “të gëlltisë krenarinë e tij dhe të lutet për faljen e familjes së tij”.
Episodi në fjalë flet për marrëveshjen e tyre me Netflix, e përfolur se vlente 100 milionë dollarë dhe tregoi Peter Griffin (me zërin e Seth MacFarlane) në një aventurë për t’u bërë personazh televiziv për të fituar para.
“Unë do të bëhem, ashtu si Meghan Markle dhe Princi Harry,” thotë ai. Më pas, skena kalon në versione të animuara të Harry-t dhe Meghan-it, duke pushuar pranë një pishinë, kur shërbëtori i tyre vjen me një pirg zarfash.
“Zotëri, milionat e tua nga Netflix për … Askush nuk e di se çfarë,” thotë shërbëtori, të cilit Harry i përgjigjet: “Vendos me pjesën tjetër të tyre.”
