Edhe pse mjeku Roland Xhaxho e mohoi, ekspertiza mjeko-ligjore zbulon se shkaku i vdekjes së të miturit Brian Spahiu pas ndërhyrjes në klinikën private ka qenë mbidoza e narkozës.
“Dhënia e lëndës anestetike ka sjellë vuajtjen qelizore të thellë me mekanizmin e insuficiencës multiorganore të parikthyeshme”, theksohet në ekspertizë.
Më herët, Xhaxho pretendoi se djali doli zgjuar nga klinika. Ndërsa sipas familjarëve, i mituri është ndjerë keq pasi ka dalë nga klinika dhe ka ndërruar jetë i shtruar në spital.
Brian Spahiu u dërgua nga familjarët e tij në datën 28 Shtator në spital për t’i rregulluar dhëmbët. Ndërhyrja do të bëhej me anestezi totale. Në darkë ai ka shfaqur komplikacione dhe dy ditë më vonë humbi jetën në QSUT.
